Дөнгөж 14-тэйдээ урлагийн ертөнцөд хөл тавихдаа “Мон Та Реп” хамтлагийг үүсгэн байгуулан дараа нь рок попын олон хит дуунуудын үгийг бичиж олноо танигдсан ноён “ZZ”-ийн бүтэн нэр Э.Золзаяа. Сүүлийн үед залуусын амнаас салахаа больсон дуунуудын үгийг энэ нууцлаг залуу уран бүтээлч бичдэг. Уг мэргэжил нь солонгос хэлний багш, жүжигчин. Уншсан ном нь 300-аас хол давсан гэх “ZZ” багаасаа их уншсаны ачаар ухаан тэлж, үгийн баялаг нэмэгдэж, нэг л өдөр авьяас нь тодорсон гэдэг. Дууны үг нь энгийн атлаа гүн гүнзгий утга агуулгатай, амьдралд илүү ойр басхүү этгээд үгтэй байдаг нь Э.Золзаяагийн нэрийн хуудас гэж болно. “Гурван бүдүүн” хамтлагийн “Чи минь” дууны шүлгийг есдүгээр ангидаа бичиж байсан гээд бодохоор түүнд авьяас гэж байна шүү. “Би яруу найрагч биш дууны шүлэг бичдэг хүн, яруу найраг, дууны шүлэг гэдэг тэс өөр зүйл шүү дээ” хэмээн даруухан ярьж явдаг нууцлаг ноён “ZZ”-ийн хувийн амьдрал нь ч нууцлаг. Нэгэнтээ дуучин Мартатай хамтын амьдралаа эхлүүлж байсан бөгөөд “Киви” хамтлагийн Агийтай ч хайрын романс үүсгээд амжсан. Сүүлд нэгэн тоглолтонд ирэхдээ Марта ч биш, Агий ч биш даруухан нэгэн бүсгүйтэй хөтлөлцөн ирсэн нь тэр сонголтоо хийснийх юм болов уу.
Сэтгэгдэл байхгүй байна