Цагдаагийн ерөнхий газраас Эрүүл мэндийн сайд асан Н.Хүрэлбаатарыг эрэн сурвалжилж байгаа талаар мэдээлсэнтэй холбогдуулан түүний бие төлөөлөгч хэвлэлийн бага хурал зарлаж, танилцуулга хийсэн билээ. Тэрээр Эрүүл мэндийн сайд асан, АУ-ны доктор, профессор Н.Хүрэлбаатарын мэдэгдлийг танилцуулсан. Харин уг мэдэгдэлд Н.Хүрэлбаатар “Миний бие цагдаагийн газраас хийсэн мэдээллийг хүлээн авч, эндэх ажлаа орхин өнөөдөр буюу 2013 оны зургадугаар сарын 07-ны өдөр эх орондоо очихоор боллоо. Миний бие ямар нэг хэрэгт холбогдож, Монгол Улсын хууль зөрчсөний улмаас гадаад улс руу яваагүй бөгөөд Сингапур улсад болсон “Ахмад настанд эрүүл мэндийн тусламж үйлчилгээг чанартай хүргэх нь” сэдэвт олон улсын хуралд илтгэл тавин оролцож, Сингапур, Гонконг, Малайз зэрэг улсуудад ахмад настнуудын эрүүл мэндийн болон нийгмийн асуудалыг хэрхэн шийдвэрлэж байгаа талаар газар дээр нь биечлэн танилцаж, судласан юм" хэмээсэн билээ. Ямартаа ч экс сайд эх орондоо саатаж, эмх замбараагүй шуугианыг цэгцлэх нь.
Сэтгэгдэл байхгүй байна