Завгүй Дэмидээ

Уран бүтээлийн ажил гэхээсээ илүүтэй багшийн мэргэжлээр заминалдах болсон Л.Дэмидбаатарыг драмын ягаан байшингаас ангид үзэхийн аргагүй. Багшлахын зэрэгцээ хамтлагтаа ажиллах, театрынхаа үйл ажиллагаанд оролцох, хувийн уран бүтээлүүдээ хийх гээд тун ч завгүй ажилладаг тэрээр хийснийхээ хэрээр хөдөлмөрөө үнэлүүлж хангалттай цалин хөлс авдагаа ч нуудаггүй.  Олны танил хүмүүсийн жишгээр хоёр дахь амьдралаа зохиож яваа Л.Дэмидбаатар анхны эхнэртэйгээ олон жил ханилж хоёр хүүхдийн эцэг эх болсон ч өрх тусгаарласан удаатай. Тэгвэл одоогийн гэргий Хонгорзултайгаа эртний хайр сэтгэлийн холбоотой байсан ч тодорхой шалтгааны улмаас үерхэж чадалгүй явсаар өдгөөг хүрсэн гэдэг.