Сүүлийн үед олон нийтийн сүлжээ болох фэйсбүүк болон твиттерт олны танил уран бүтээлчид болон эрхмүүдийн нэрийг барьсан хуурамч хуудас нээх нь олшироод байгаа аж. Үүнд хамгийн ихээр өртдөг хүмүүсийн нэг болох дуучин Ану буюу Ч.Уранхолбоо энэ талаар албан ёсны фэйсбуук хуудаснаа мэдээлсэн байна. “Өдрийн мэнд хүргэе. Сайн сууцгааж байна уу. Чулуунбаатар Уранхолбоо гэсэн ёсны нэг л фэйсбуук хуудас байдгийг хэлмээр байна. Миний нэрээр хуурамч хуудас нээсэн хүмүүс үүнийгээ хааж, миний өмнөөс худал пост бичин хүмүүстэй харилцаж буй үйлдлээ зогсоон миний ажлыг хүндэтгэхийг хүсч байна” гэж тэрээр бичжээ. Сүүлийн үед уран бүтээлээсээ илүү бизнесийн үйл ажиллагаанд идэвхтэй оролцож байгаа тэрээр ажлын шугамаар урд хөршид найз залуугийнхаа хамтаар ажиллаж амьдарч байгаа. Ийнхүү тэрбээр цахим хуудсаараа дамжуулан сэрэмжлүүлэг өгөөд байна.
Сэтгэгдэл байхгүй байна