Шинэ хүнээ хүлээж буй топ СТА

Арван жилийн ширээнээс алдар хүндийн титэм зүүсэн топ модель, жүжигчин Д.Пүрэвсүрэн оюутан ахуйдаа алтны магнат Ц.Мянганбаярын гэргий болж халуун шуугиан тарьж байсан цаг саяхан мэт санагдана. Зүс царай, бие хаагаараа хэрийн хүнийг урдаа гишгүүлэхгүй эгэл жирийн айлын отгон охин түүнийг цэл залуухан насандаа ийм сонголт хийхэд гайхаж хачирхах хүн олон байв. Гэхдээ түүний амьдралыг өдгөө Монголын ард түмэн сайн мэднэ. Уурхайн босс Ганбаяр гэгчтэй хайр дурлалын романс үүсгэж, амьдрал хувь заяагаа холбон үрийн зулай үнэрлэсэн тэр цагаас нам гүмхэн байх болсон тэрээр өчигдөрхөн нээлтээ хийсэн “Ларьдма” УСК-нд гол дүр бүтээсэн билээ. Тэгвэл “Ларьдма” киноны гол дүрийн хүнд хүчир зовлонг туулж яваа эмэгтэй дүрийг бүтээсэн Пүүжээ нялх биетэй байсан гэнэ шүү. Тэрээр саяхны нэгэн ярилцлагадаа “ Дахиад надад бурхнаас бэлэг илгээвэл хүлээж авахад бэлэн. Хүү охин нь хамаагүй, хүүхэд хөөрхөн шүү дээ” хэмээн ярьж байсан.Түүний хүсэл биелэлээ олж байгаа нь энэ аж. Мөн тус киноны нээлтийн үеэр топ модель Пүүжээд бас нэгэн баярт мөч тохиосон нь Монгол Улсын соёлын тэргүүний ажилтан цол тэмдэгээр энгэрээ мялаасан явдал байлаа. Түүнд амжилт хүсье.