Экс Ерөнхийлөгч Н.Энхбаяр эмнэлэгт эрх чөлөөт маягаар ялаа эдлэн байгаа. Бүр ялаас чөлөөлөх хүсэлт хэдхэн хоногийн өмнө гаргаад байгаа билээ. Тэгвэл экс маань юун эрх чөлөөг хүсэх байтугай болж, Н.Энхбаярын гэх тодотголтой дахин нэг хэрэг шинээр мэндэллээ. Энэ талаар нэгэн сайтад дэлгэрэнгүй мэдээллэснийг бид та бүхэнд баримттай нь хүргэж байна. Экс Ерөнхийлөгч Н.Энхбаяр түүхийн үнэт бүтээлүүдийг гадаадад худалдсан байна. Тодруулбал 1994 онд Н.Энхбаяр Соёлын яамны сайдаар ажиллаж байхдаа Богд хааны музей, Чойжин ламын сүм музей, Үндэсний түүхийн музей, Улсын төв номын сангаас нийт 115 ширхэг түүхийн ховор үзмэрийг цуглуулж, АНУ-ын Сан Франциско хотын Азийн түүхийн музейд “Монголын сэргэн мандалт, Чингис хааны өв” үзэсгэлэнд оролцуулахаар мэргэжилтэн Ононгын Мижидэд хариуцуулан явуулсан байна. Тухайн үед Монгол Улсын хилээр 155 үзмэр гарсан нь Гаалийн ерөнхий газарт бүртгэгдсэн байдаг бөгөөд эдгээр үзмэр, ховор бүтээлээс 96 нь 2000 оны эхээр Монгол Улсад буцаж ирсэн. Буцаж ирсэн 96 үзмэр, ховор бүтээлд дахин шинжилгээ хийлгүй орхигдуулсанаас үзвэл дээрх эд зүйлс солигдсон байх магадлалтай юм.
Дээрх үзмэр, ховор эд зүйлсийг хариуцан АНУ руу авч явсан, тухайн үеийн Дүрслэх урлагийн музейн эрдэм шинжилгээний ажилтан Ононгийн Мижид нь Н.Энхбаярын эхнэр О.Цолмонгын төрсөн дүү бөгөөд өдгөө тэрбээр АНУ-ын 124 Topaz CT Hercules, CA. 5248 Claremont AVE#22 Oakland, CA хаягт оршин сууж байна.
Сэтгэгдэл байхгүй байна