Нийслэлийн иргэдийн хуралд АН-аас цөөхөн хэдэн төлөөлөгч байдгийн нэг нь Салдангийн Одонтуяа. Наснаасаа залуу харагддаг, боловсролтой, сайхан хувцасладаг, ааш ааль сайтай гээд улс төрч хүнд байх бүхий л зүйлийг өөртөө бий болгож чадсан шилдэг улс төрч эмэгтэйчүүдийн нэг. Уламжлалт арга ухааныг эрхэмлэдэг түүний гол гангараа нь сувд. Элдэв донж маяггүй, энгийн атлаа чамин, чанарыг эрхэмлэн хувцасладаг тэрээр далайн сувдыг төрөл бүрээр нь зүүж харагддаг. Тансаг бүхний илэрхийлэл болсон сувдыг эрт дээр үеэс хаад язгууртнууд их хэрэглэдэг байсан гэдэг. Учир нь сувд өвчин эмгэгийг өөртөө шингээдэг хосгүй увидастай эрдэнэ бөгөөд энэ ч утгаараа үнэ цэнээ одоог хүртэл хадгалж ирсэн учиртай. Дэлхийн алдарт улс төрч, дипломат эмэгтэйчүүд сувдаар гангардагаас хамгийн алдартай нь Б.ОбамагийнТөрийн нарийн бичгийн даргаар ажиллаж буй Хиллари Клинтон сувдыг бараг л өдөр бүр хэрэглэдэг байна. Мөн Оросын Төрийн Думын гишүүнээр сонгогдон ажиллаж эхэлсэн уран гимнастикч Алина Кабаева, Аляскийн экс-захирагч Сара Пэйлин гээд сувдаар имижээ бүрдүүлдэг олон улс төрч бүсгүйчүүд бий. Энэ бүхнээс харахад аль ч улсын шилдэг улс төрч эмэгтэйчүүд сувдаар гангардаг юм болов уу. Эдийн засагч С.Одонтуяа ч энэ сонголтоо удаан судалж үзсэний эцэст хэрэглэх болсон гэнэ лээ. Боловсролоороо дээгүүрт тооцогддог энэ бүсгүй бүх зүйлд хянуур ханддаг байдал өмссөн зүүсэнд нь ч нөлөөлдөг биз ээ.
Сэтгэгдэл (19)