Их засаг их сургуулиас санаачлан зохион байгуулж байгаа “Супер студент-2” реалити шоуг үзэгчид талархалтай хүлээж авах болсон. Үнэхээр ч 160 сая төгрөгийн шагналын сантай томоохон төслүүдийн нэг энэхүү шоуны өнгөрсөн жилийн ялагч 16 шилдэг оюутан өдгөө гадаадын их дээд сургуулиудад үнэ төлбөргүй суралцаж байгаа. Ер нь тэтгэлэгт хөтөлбөр гэхээр мөнгө хөрөнгөтэй эрх мэдэлтнүүдэд олгогддог гэсэн өрөөсгөл ойлголтыг халж Их засагчууд эгэл ардын хүүхдүүдийг гадаадад үнэгүй суралцуулах боломж олгож байгаа билээ. Харин энэ удаагийн шоуны ялагч 20 оюутан гадаадын хүссэн их дээд сургуульдаа үнэ төлбөргүй суралцах ба Их засаг их сургууль 100 хувь зардлыг нь даах аж. Энэ дашрамд “Рояал” академийн захирал Н.Учрал ОХУ-ын ШУА-ын Сибирийн салбарт докторын зэргээ амжилттай хамгаалаад ирсэн таатай мэдээг дуулгая. Харин залуу докторуудын эгнээг нэгээр нэмж буй түүний аав, ээж нь шинжлэх ухааны доктор цолтой багш хүмүүс гэдгийг мэдэх хүн олон биз ээ. 
Сэтгэгдэл (1)