Чамгүй өндөр хөлсөөр “Гоёо” брэндийн нүүр царай болсон Д.Ариунцэцэг шинэ амьдралаа Солонгост эхлүүллээ. Үйлчилгээний соёлоор дэлхийд дээгүүрт орох Korean Air-д ажиллаж байсан загвар өмсөгч маань энэ удаад Солонгост эрдмийн мөр хөөж явна. Хайртай охин болоод гэр бүлийнхэн нь түүнтэй хамт байгаа бөгөөд Сөүлд эхлүүлсэн шинэ амьдралдаа ард түмний мисс тун сэтгэл ханамжтай байгаа гэх. Хэсэгхэн хугацаанд ч болов хэл ам, хий хоосон атаархлаас хол байгаа нь түүнд таалагдаж буй юм байх. Үнэндээ хэвлэлийнхэн л түүнийг элдвээр бичдэг гэхээс амьдрал дээрээ Д.Ариунцэцэг тэс өөр нэгэн болохыг ойр дотныхон нь хэлж байна. Хадмууд нь л гэхэд түүнд жигтэйхэн ам сайтай байдаг юм гэсэн. Ц.Мянганбаярын нэр холбогдож байсан хүүхнүүдээс хамгийн ихээр алтны магнатыг хайрлан халамжилж, чин үнэнч сэтгэлээ өгсөн гэдгээр нь тэд илүүтэй хайрладаг аж. Бясалгал хийж бусдын хов живийг холуур өнгөрүүлдэг гэх тэрээр будда шүтдэг. Гэр оронгүй, зовж зүдэрч яваа, өрх толгойлсон эмэгтэйчүүдэд сайхан сэтгэлээ хүргэж, найзуудынхаа хамтаар гэр бэлэглэн сайн үйлсэд ч гар бие оролцоод авсан байна. Ноён Ц.Мянганбаярын Сингапур дахь тансаг харшид гэр бүлийнхэн нь ирж, очин байдаг бөгөөд Улаанбаатар Утаанбаатар болох үед буюу өвөл цагаар тэднийхэн Сингад илүү суурьших дуртай. Харин одоо Сөүлийг тэд сонгожээ. Юутай ч алтны магнатын хайрын тэнгэр болж, хайртай охиных нь ээж болсон Д.Ариунцэцэг хамгаас илүү аз жаргалтай амьдарч байгаа нь тодорхой боллоо. Түүний шинээр төвхнүүлсэн Солонгос дахь амьдралд амжилт хүсье, мөдхөн бид шинэ мэдээ дуулгах буй за.
Сэтгэгдэл байхгүй байна