Малчид, тээвэрчид, ард иргэдийн анхааралд:Өнөөдөр Алтайн салбар уулс, Арц-Богдын өвөр хоолойгоор, маргааш ихэнх нутгаар, 9-нд зүүн зүгийн нутгаар хүчтэй шороон болон цасан шуурга шуурахыг анхааруулж байна.
2013 оны 03 дугаар сарын 07-ны 08 цагаас 20 цаг хүртэлх цаг агаарын урьдчилсан мэдээ:
Ихэнх нутгаар солигдмол үүлтэй. Баруун болон төвийн нутгийн хойд, зүүн зүгийн нутгийн зүүн хэсгээр бага зэргийн цас орно. Салхи зүүн зүгийн нутгаар хойноос, бусад нутгаар баруунаас секундэд 5-10 метр, Алтайн салбар уулс, говийн нутгаар түр зуур секундэд 18-20 метр, төв болон зүүн зүгийн нутгийн зарим газраар секундэд 12-14 метр хүрч шороон шуурга шуурна. Увс нуурын хотгор, Идэр, Тэс, Буянт, Халх голын сав газраар 4-9 градус хүйтэн, Дархадын хотгор, Хүрэнбэлчир, Хэрлэн, Онон, Улз, Ерөө, Орхон, Сэлэнгэ, Хараа, Туул, Тэрэлж голын сав, Дорнод Монголын болон Дарьгангийн талаар 2 градус хүйтнээс 3 градус дулаан, говийн бүс нутгаар 12-17 градус, бусад нутгаар 3-8 градус дулаан байна.
УЛААНБААТАР ХОТ: Үүлшинэ. Цас орохгүй. Салхи зүүн өмнөөс секундэд 5-10 метр. 3-5 градус дулаан байна.
Өглөө 05 цагт Улаанбаатарт: 6 градус хүйтэн, харьцангуй чийг 68 хувь, агаарын даралт 857 гектопаскаль байлаа. Даралт өдөртөө буурна.
Сэтгэгдэл байхгүй байна