Дөрөв дэх засаглал гэгддэг сэтгүүл зүйн салбарт хүнд гарз тохиолоо. Бидний үзэг нэгт анд NBS телевизийн захирал, сэтгүүлч С.Наранбаатар хорвоогийн мөнх бусыг үзүүлсэнд гүнээ харамсаж буйгаа илэрхийлж, ар гэр, хайртай дотны хүмүүст нь “Гранд” сэтгүүл, grandnews.mn сайтын хамт олон гүн эмгэнэл илэрхийлж байна.Баттай бус мэдээллээс үзэхэд тэрээр бусдын гарт амиа алдсан байж болзошгүй гэнэ. Олон жил телевизэд ажилласан, угаас гүдэс шулуун зантай, эрс шударга түүнийг сэтгүүл зүйн салбарынхан төдийгүй үзэгчид андахгүй. Нийгмийн болохгүй бүтэхгүйг илчлэн, бусармаг явдалтай тэмцэлдэж, үнэнийг хэнээс ч үл эмээн өгүүлдэг байсан нь хэн нэгний эмзэг газрыг хөндөж ийм байдалд хүргэсэн байх ч магадлалтай. Хэрэв тийм аваас хэвлэлийн эрх чөлөө, сэтгүүлчдийн аюулгүй байдал хаана байна гэж төр засгаас асуумаар? Ингэснээрээ сэтгүүлчдийн зоригийг мохоож, амыг нь барьж чадна гэж бодож байвал алдас болно гэж хэлмээр...
Жинхэнэ АРДЧИЛСАН сэтгүүлч, зоримог, шударга түүнийг Монголын сэтгүүлзүйн салбар, үзэгч түмэн, элгэн дотныхон нь үргэлжид дурсан санагалзах болно.
Шударга үнэний дуу хоолой болсон эрхэм хүн та эх нутгийнхаа хэвлийд тайван нойрсоорой...
Сэтгэгдэл байхгүй байна