“Bavaria” шар айрагны рекламанд тоглодог царайлаг, халуухан бүсгүйг та бүхэн сайхан мэдэх байх. Бие хаа, зүс царай, жүжиглэх авъяас гээд дутуу юмгүй Т.Аятунгаа, загвар өмсөгч, фото модель бөгөөд энэ салбартаа чамгүй юм дуулгана хэмээн үнэлэгдэж байсан. Гэтэл түүнийг хил дамнасан хүн худалдаалах гэмт хэрэгт холбоотой байж болзошгүй хэмээн олон улсын хэмжээнд эрэн сурвалжилж буй мэдээлэл интернэтээр цацагдах боллоо. Үнэхээр ч ИНТЕРБОЛ албан ёсны цахим хуудаснаа тэрхүү мэдээллийг байршуулжээ. Ер нь нэлээд хөдөлгөөнтэй “хөнгөн явдалтай” гэж жиг жуг хийдэг байсан ч хүнтэй гэрлэж, ээж боллоо хэмээн дуулдах болсон түүнийг хүний наймаанд оролцож, дэлхий даяар эрэн сурвалжлагдана чинээ хэн санах билээ. Гэвч яаран дүгнэлт гаргах хэрэггүй болов уу. Албан ёсоор шүүхийн шийдвэр гараагүй бол хэнийг ч гэмт хэрэгтэн гэж үзэх ёс үгүй билээ. Ямартай ч залуу сайхан бүсгүй нэлээд хүндхэн асуудалд орсон бололтой.
Сэтгэгдэл байхгүй байна