Сайн эхнэрийн хүчээр эр хүн амжилтанд хүрч алдар цолоо мандуулж, бүр баатар болж болохын бодит жишээ энэ цал буурал толгойтой эрхэм. Эрдэнэ баавайн буурал Бат-Үүл хэмээх зодоон цохионоос ер хожидоггүй 40 мянгатын “атаман” эр гудамжинд лааз хөшиглөж явахдаа гэргий Ч.Дэлгэртуяатайгаа учирсан тэр цагаас хойш түүний амьдрал орвонгоороо өөрчлөгдөж өдгөөгийн “баатар” Э.Бат-Үүлийг бий болгох замаа нээсэн гэдэг. Учир нь тэрээр гэргийнхээ гар дээр 100 хувь бөөцийлөгдөж өмсөж зүүхдээ хүртэл цаг ямагт эхнэрийнхээ зөвөлгөөг дагдаг байсантай холбоотой. Түүний гэргий Ч.Дэлгэртуяагийн хувьд хадам аавынхаа алдарт өгүүллэгээс санаа авч "Үүл бид хоёр" нэртэй дурсамжийн ном хэвлүүлсэн нь тухайн үедээ бестселлер болж байсан удаатай. Түүгээр ч барахгүй “Баатар” эрийн гэргий Монголд дөнгөж дуу бичлэгийн студи байгуулагдах үед анхны шанг татаж “Сонор рекордс” студийг байгуулж байсан сэргэлэн хатагтай. Харин ардчилал хэмээн хэнээрхэж гэртээ ховор үзэгддэг байсан Э.Бат-Үүл одоо гурван том хүүхэдтэй өнөр бүлийн өвөө болохын зэрэгцээ их хотын утаа униар, замын түгжрэл гээд л толгойтой хэдэн “цагаан”-аасаа их ажлыг амжуулахаар цаг наргүй зүтгэж буй “Хотын дарга, Улсын баатар”.Түүгээр ч барахгүй 40 мянгатын "атаман" гэгдэж явсан түүний найзуудын ихэнхи нь улс төрийн тогоонд хамтдаа чанагдах болсон явдал. Түүний дотроос МУ-ын ерөнхий сайд асан С.Баяр. Тэд хоёр өөр эхээс мэндэлсэн, хоёр өөр намд харьяалагддаг нэг эцгийн хүүхдүүд гэдгийг мэдэх хүн ховор. Нэг үгээр хэлбэл монголын утга зохиолд өөрийн гэсэн том, тод орон зайг тунхаглаж, олон арван зохиол бүтээлээрээ олноо мөнхөрч үлдсэн Сэнгийн Эрдэнэ хотын дарга Э.Бат-Үүл, Ерөнхий сайд асан С.Баяр нарын эцэг. Ямартаа ч энэ их агуу хүний “ген” хүчтэйг гэдгийг харуулж хоёр хүү нь Монголын улс төрийг хоёр жигүүрээс нь атгалцаж яваа нь бас л бахархалтай юм шүү.
Сэтгэгдэл байхгүй байна