Мөнхийн залуу хатагтай, топ модель Э.Одгэрэл өдгөө 47 настай. Анхны топ модель энэ хатагтай оны өмнө болсон “Гоёл” наадмын 25 дахь удаагийн шалгаруулалт дээр хүрэлцэн ирж, 2013 оны топ модельд шагнал гардуулсан юм. Эцсийн мөчид хүндэтгэл дүүрэн, сүр дуулиантайгаар эл шагналыг гардуулсан тэрээр өөрөөсөө нас, зүсээр хамаагүй залуу загвар өмсөгч охидын дунд гоо сарнай адил гоц, ялгуун харагдсаныг нуух юун. Үнэхээр мөнхийн залуу хатагтай гэдэг онож өгсөн алдар гэлтэй. Ингэхэд түүний энэ гоо сайхны нууц юу вэ? Олон хүүхнүүд нүд чих тавьж ирсэн энэ асуултын хариу нь тэрээр гэртээ плиткагүй, сэтгэлдээ стрессгүй амьдарч, өглөөнөөс үд хүртэл нүд чихээ ухаж, нүүр биеэ энхрийлэхэд хамаг цагаа зориулдаг гэх. Үнэн худал нь бүү мэд л дээ. Ямартай ч “Гоёл” 2013-ын өмнө тэрээр Сингапурт хагас сар байж, энэ хугацааг зөвхөн бие хаагаа тойлж, гоо сайхнаа аварахад зориулсан байна. “Гоёл”-ын тайзнаа алхах нас, хөг өнгөрсөн ч гэлээ шагнал гардуулах хүндтэй үүрэг авсан учраас ийн зориуд Сингапурыг зорьжээ. Алтан тайзыг хүндэтгэж, модель мэргэжлээ үнэлдэг нь Э.Одгэрэлийн хэмжүүр эндээс харагдах шиг. Гэтэл түүнээс бүр хожуу төрсөн, тодруулбал, сүүлийн 5 жил “Гоёл” наадмаас ТОП МОДЕЛЬ хэмээх өргөмжлөл авсан бүсгүйчүүд дэргэд нь ямар харагдаж байсан гээч. Загвар өмсөгч Г.Уранцэцэгийг эс тооцвол ёстой ичиж үхмээр дамшиг гэдэг шиг. Ер нь сүүлийн 2 жилийн “Гоёл” наадмыг топ модель Г.Уранцэцэг л тахалж, нэр сүрийг нь аварч ирснийг энд бас онцлох нь зүй болов уу. 
Сэтгэгдэл байхгүй байна