Эхний сарын цалингаа ахмадуудад зориуллаа

Монгол Улсын Ерөнхийлөгчийн тамгын газар, Соёл, спорт, аялал жуулчлалын яам хамтран олимп, дэлхийн аваргын медальтнуудад алтан карт гардуулсан юм. Ерөнхийлөгчийн “Батламж” бичиг, тухайн тамирчны зурагтай мөнгөн урамшуулал бүхий алтан  картыг  тамирчдын хөдөлмөрийг үнэлж, цаашид спортын салбарт шинэ залуу хойч үе төрөн гарахад дэмжлэг болох зорилгоор өгсөн билээ. Харин өнөөдөр Хөдөлмөрийн баатар Х.Цагаанбаатар Монгол Улсын Ерөнхийлөгчийн зарлигаар авч буй эхний сарын цалингаараа Дархан-Уул аймгийн 108 азай бууралд Цагаан сарын идээг нь гардуулан өгч эхний сарын цалингаараа ийн ахмад буурлуудыг баярлууллаа.