Нэр бүхий иргэн Үндсэн хуулийн цэцэд хандаж, Сонгуулийн Ерөнхий Хорооны 2012 оны 11 дүгээр сарын 24-ний өдрийн 160 дугаар тогтоол Үндсэн хуулийн холбогдох заалтыг зөрчсөн гэсэн мэдээллийг ирүүлсэн билээ.Энэ мэдээллийн дагуу үүссэн маргааныг хянан шийдвэрлэх Үндсэн хуулийн цэцийн дунд суудлын хуралдаан өнөөдөр болно. УИХ-ын сонгуулийн 22 дугаар тойрогт дахин санал хураалт явуулахдаа нийт сонгогчийн 50-иас дээш хувь нь оролцоогүй байхад тухайн санал хураалтыг хүчинтэйд тооцон МАН-аас нэр дэвшигч Д.Арвинг УИХ-ын гишүүнээр сонгогдсонд тооцож, Монгол Улсын Ерөнхийлөгчид айлтгаж, УИХ-д өргөн мэдүүлсэн Сонгуулийн ерөнхий хорооны дээрх тогтоол нь Монгол Улсын Үндсэн хуулийн Нэгдүгээр зүйлийн 2, Хорин нэгдүгээр зүйлийн 2 дахь заалтыг зөрчсөн хэмээн үзэж ийнхүү нэр бүхий иргэн Үндсэн хуулийн цэцэд хандсан байна.
Сэтгэгдэл байхгүй байна