Бизнесийн салбарт хэдийнэ ноёрхлоо тогтоож, Монголын толгой хөрөнгөтнүүдийн эгнээнд баттай байр сууриа эзэлсэн “Чоно”-ын Т.Энхболд хэмээх нууцлаг эрхэм бий. Бүтэн нэр нь Энхболдсодон гээд тун ч содон тэрээр Монголын олон эхнэрүүдтэй эрчүүдийн тоонд зүй ёсоор багтдаг. “Мишээл”-ээс авахуулаад White house зочид буудал, уул уурхай, барилга, үйлдвэрлэл үйлчилгээ гээд ер гар оролцоогүй салбар гэж ховор. Хамгийн сүүлд л гэхэд Blue sky цамхагийг MCS-тэй ана мана үзэлцэн сүндэрлүүлсэн энэ ноёнтон солонгос, сингапуруудтай түншлэн их бизнесээ ийм өргөн хүрээнд өргөжүүлсэн гэнэ лээ. Энэ цуутай бизнесмэн эрийн хүүхдүүд эрийн цээнд хүрч, эцгийн алдрыг залгамжилж эхэлжээ. Том хүү Агар нь барилга, уул уурхайн бизнесээ хариуцан ажиллуулдаг бөгөөд UBS телевизийн хөтлөгч Б.Энхзаяа хэмээх энэ бүсгүйтэй амьдрал хувь заяагаа холбоод удаагүй байгаа. Чамгүй олон жил араасаа гүйлгэж байж гэргий нь болсон хөтлөгч бүсгүй төрөөд удаагүй байгаа бөгөөд нэлээдгүй жин нэмжээ. Баян бизнесмэний бэр болсон Б.Энхзаяаг телевиздээ эргэж орохгүй, бизнесвумен болохоор бэлтгэж байгаа гэх яриа ч бий. Ямартай ч телевизийн хөтлөгчөөс гадна кинонд тоглож, реклманы нүүр царай хүртэл болоод авсан үзэсгэлэнтэй, боловсролтой хөтлөгч бүсгүйд амжилт хүсье. Э.Агарын дүү Э.Ананд хэмээх залуу эр мөн UBS телевизийн хөтлөгч хийж байсан дуучин Д.Сарангуагийн охин Санчирмаатай үерхэж байгаад салсан намтар бас бий. Хэрвээ тэд суусан бол Чоно групп хөтлөгч бэрүүдтэй гэгдэх байлаа. Монросцветметийн Х.Бадамсүрэн мисс бэрүүдээрээ алдартай шигээ...
Сэтгэгдэл (2)