Хүүхний сайхан бөгсөндөө, хөөрөгний сайхан толгойдоо

Эр хүн  мөн л бол морь сонирхож, бөх үзэж, монгол дээлээ өмсдөг гэгддэг. Тийм ч учраас моринд хорхойгүй, хөөргөнд дургүй эр хүн гэж үгүй билээ. Тэгвэл их аварга Дагвадорж ч бас түүний нэгэн адил хөөрөгний хорхойтон. Тэрээр өөрийн твиттер хуудсандаа Х.Баянмөнх аваргын цагаан хаш хөөрөгний зургийг тавьж, “Хүүхний сайхан бөгсөндөө, хөөрөгний сайхан толгойдоо” хэмээн бичжээ. Аваргын ийн хорхойг аргагүй хүргэсэн энэхүү хөөргийг цагаан хашаар урласан бөгөөд, алтан нуухаар чимжээ.