Тэнгэрт хадлаа

Цагаан сарын уур амьсгал нэгэнт орсон энэ цаг үед бараа бүтээгдэхүүн хийгээд хамгийн их эрэлт хэрэгцээтэй ууц, сүү цагаан идээний үнэ тэнгэрт хадаж, ард түмэн арга тасран сууна. Сүүлтэй болгон нь ууц болж, хамгийн хямд доод үнээр 320 мянга тодроод байгаа гэнэ. За тэгээд арай нэг гайгүй, сүүл юу нь “бандгар” бол 400 мянгаас эхлээд талийж өгсөн сурагтай. Ямартаа ч энэ үнийн хөөрөгдөл махны ченжүүдээс улбаатай болохоор О.Магнай даргадаа хэлэхийг хүссэн хүн олон байгааг энд дуулгая. Цагаан сар гэгч энэ мэт асуудлаас үүдэж ард түмний сэтгэлийн “зовлон” болчихоод байгааг ч гэсэн хэлэх зүйтэй байх.