Монгол Улсын арслан Х.Мөнхбаатар МҮБХ-ны тэргүүн Р.Нямдорж нарын хооронд үүсээд байсан маргаан нэг хэсэгтээ нам жим болоод байв. Тэгтэл саяхан Х.Мөнхбаатар арслан Солонгос улсад болсон жүдо бөхийн дэлхийн цомын тэмцээнд амжилттай барилдаж хүрэл медаль хүртэж ямар ч допин энэ тэр хэрэглээгүй гэдгээ батлаад ирэв. Бас болоогүй хашир арслан Р.Нямдоржийн хийсэн хамаг булхайг дэлгээд ирсэн. Тэрээр Р.Нямдоржтой тэрсэлдэхдээ Солонгос улсад хувиараа допингийн шинжилгээ өгөөд хариугаа хүлээж байгаа гэдгээ дуулгаж байсан. Тиймээс Х.Мөнхбаатар арслан сая жүдо бөхийн дэлхийн цомын тэмцээнд амжилттай оролцоод допингийн шинжилгээнд орохдоо өмнөх хариугаа албан ёсоор, бичгээр авахыг хүсэхэд допингийн төв лабортори “Танай Монголын Үндэсний Олимпийн Хороо таны шинжилгээний хариуг нааш нь битгий явуулаарай шаардлагагүй боллоо. Баярлалаа гэсэн албан бичиг ирүүлсэн болохоор Монгол руу хариуг нь явуулаагүй” гэсэн гэнэ. Бүр гайхмаар байгаа биз. Уг нь МҮОХ-нд энэ хэрэг нэг хамаагүй л байлтай. Гэхдээ тус төв допингийн шинжилгээний хариуг нь, МҮОХ-ноос ирүүлсэн албан бичгийн хуулбарынх нь хамт буцааж МҮОХ-руу, мөн нэг хувийг нь солонгосын элчингээр дамжуулж ирүүлэхээр болсон байна. Ямартаа ч МҮБХ, МҮОХ-той хамтарч “луйварддаг” бололтой.
Сэтгэгдэл байхгүй байна