Монголын загварын чиг хандлага, загвар өмсөгчдийн чадварыг тодорхойлдог "Гоёл-2012" наадам уламжлал ёсоор зохион байгуулагдана. Харин энэ жилийн наадамд Монголын загварын "акул" Э.Одгэрэл, Д.Болормаа нар дахин оролцохгүй хэмээн мэдэгдэж, ихээхэн сенсаци тариад байгаа билээ. Учир нь тус наадмын утга учир алдагдаж байгаа бөгөөд сүүлийн жилүүдэд зохион байгуулагч Ц.Мянганбаяртай холбогдсон хүмүүс топ модель болж байгаа гэсэн тайлбарыг топ модель Э.Одгэрэл шууд зарласан нь олон хүний гайширалыг төрүүлж, амыг ангайлгаж, чихийг дэлдийлгэсэн. Тэгвэл дахин “Гоёл”-д оролцохгүй хэмээн мэдэгдсэн топ модель Э.Одгэрэл энэ жилийн наадамд оролцох гэнэ. Тодруулбал Дизайнеруудын холбооны тэргүүн Ч.Оюунцэцэг түүнийг энэ жилийн наадамд оролцохгүй гэсэн нь ташаа мэдээлэл болохыг хэлээд наадамд оролцох болсныг итгэл төгс хэлжээ. Тэрбээр “Э.Одгэрэлийг Гоёл наадмын зохион байгуулагч нартай холбоотой байгаа. Түүнчлэн энэхүү наадамд Монголын нэртэй топууд болох Г.Уранцэцэг, Ч.Уранбилэг, Э.Сэлэнгэ, О.Уянга, Х.Ундрах, Пүрэвсүрэн, Ариунцэцэг нар оролцоно гээд байгаа. Тэгвэл үүнээс харвал Э.Одгэрэл “Гоёл” наадамд оролцохгүй гэж худлаа сенсаци тарааж олны анхаарлыг татахыг хүссэндээ ийнхүү аягалсан ч гэж үзээд байгаа. Ийнхүү “Гоёл” наадамтай холбоотой сенсаци тарааж мэргэжил нэгт миссүүдийнхээ булхайг дэлгэж, бяцхан хэмжээний хэвлэл мэдээлэлээр дамжуулан тоглолт тавьсан ч гэж Э.Одгэрэл шүүмжлэлд өртөөд байна. Харин “Гоёл” наадамд топ Болормаа шавь нарынхаа хамт оролцохгүй гэдгээ эргэлт буцалтгүй мэдэгдээд байгаа билээ.
Сэтгэгдэл байхгүй байна