Их аваргын хариулт

Японы мэргэжлийн сүмо бөхийн 68 дахь их аварга Асашёорюү Д.Дагвадоржийг арлын орны нэрт тулаанч , тулааны урлагийн их мастер 69 настай Антонио Иноки халз тулаанд дуудсан билээ. Ийнхүү манай Их аваргыг хоёр дахь удаагаа халз тулаанд дуудаж байгаа бөгөөд анх дуудахад их аварга татгалзсан хариу өгч байсан билээ. Тэгвэл энэ удаад ч мөн тоохгүй ач холбогдол өгөхгүй байгаагаа илэрхийлсэн байна.  Их аварга хэлэхдээ “Иноке зүгээр шоудаж, “Сенсаац” болгох гэж оролдож байна. Японы цагаан сар арванхоёрдугаар сарын 31-нд болдог. Тиймээс баярынхаа үеийн уур амьсгалыг бага зэрэг ч болтугай сонирхолтой байлгах үүднээс ийм дэмий юм ярьж байгаа юм” хэмээн хариулав. Харин улаан твитирчин Их аварга маань энэ долоо хоногийн амралтын өдрүүдээр Богд Хайрханы “Цэцээ гүн” рүү явах гэж байгаагаа ярьж “Дүн өвөл чонон дахан доор унтаж, хээрийн цай ууж хамтдаа явахыг хүсвэл жиргээрэй. Харин бэлтгэлээ сайн базаагаарай” гэж жиргэсэн байна. Тиймээс сүмогийн 68 дахь их аваргатай Их аваргатай хамт Богдхан ууландаа хээрийн цай ууж, хийморио сэргээхийг хүсч байвал жиргэцгээгээрэй.