Бэлэн байдалд

МАХН-ын дарга Н.Энхбаяртай холбогдох хэрэг дэлхий нийтийн анхааралд байгаа бөгөөд уг хэргийг шийдэх сүүлийн хариуцлагатай шүүх хурал маргааш Дээд шүүхэд болно. МАХН-ынхан болон түүнийг тойрон хүрээлэгчид Н.Энхбаярт холбогдох хэргийг цэвэр улс төрийн зорилготой хэлмэгдүүлэлт хэмээн үзэж, хэрэв цагаатгахгүй бол засгийн газраас гарахаа хүртэл мэдэгдээд байгаа юм.  Хамгийн сонирхолтой нь шүүх хурал болохтой холбогдуулан Дээд шүүхийн байрны хана болон бусад газруудад  метал хайгч байрлуулж, улмаар  галт зэвсэг бүхий олон тооны  цагдаагийн хүчийг  төвлөрүүлж, өндөржүүлсэн бэлэн байдал зарлаад байгаа гэнэ. Урьд өмнө нь Монгол улсад ийм төрлийн гэмт хэрэг битгий хэл онц ноцтой гэмт хэрэг үйлдсэн, дуулиант хэргүүдэд ч ингэж томоохон хүч гарган, бэлэн байдал зарлаж байгаагүй юм.