Л.Амгалангийн ажил дууслаа

МАН-ын удирдах зөвлөл хуралдаж хэд хэдэн асуудал хэлэлцсэн. Мэдээж сүүлийн үед шүдний өвчин болоод байгаа орон нутгийн сонгуулийн үр дүнгийн талаар дүгнэлт гаргах ажлын хэсгийг байгуулсан гэнэ. Нэг үгээр хэлбэл өнгөрсөн дөрвөн жил дүүрэг хороондоо ажлын үзүүлэлт муухан, нэр хүнд тааруу ажилласан дүүргийн засаг дарга нарыг дахин томилохгүй, энэ албан тушаалд эргэн суулгахгүй байх шийдвэр гаргасан аж. Эдгээр эрхмүүдийн нэгдүгээрт өнгөрсөн хавар, зун, намаржингаа сайн, муугаараа хэлүүлж, халагдахдаа бэлтгэж суусан Баянгол дүүргийн “базаахгүй” царайтай засаг дарга Л. Амгалан бичгигдсэн. Араас нь “арми” үүсгэх дайны засаг ноёд байгаагаас Сонгино хайрхан дүүргийн засаг дарга Ц.Болд, Чингэлтэй, Баянзүрх, Сүхбаатар зэрэг дүүргүүдийн засаг дарга нар багтсан бололтой. Ц.Болд хэмээх энэ эрхмийн тухайд арай гэж энэ суудалдаа дөрвөн жилийг элээсэн эрхэм. Сав л хийвэл АТГ-ын үүдэнд жижүүр аятай суудаг тэрээр саяхан л гэхэд өөрийн хороон засаг дарга нартаа хууль бус газар олгосон хэмээгдэж явсан жаатай бас жаргалтай эр.