“ТВ-5” телевиз өнгөрсөн жилээс “Ододтой бүжиглэе” шоуг уламжлал болгон зохион байгуулж ирсэн. Өдгөө үдэш бүр үзэгчдийг цэнхэр дэлгэцийнхээ өмнө уяад байгаа “Ододтой бүжиглэе-3” шоу эхэлсэн. Уламжлал ёсоор найман оролцогч мэргэжлээ солин бүжгийн спортоор өрсөлдөх бөгөөд нийт 13 төрлийн бүжгийн үзүүлбэрээр авхаалж самбаагаа сорих юм. “Ододтой бүжиглэе-2” шоуны ялагчаар буудлага спортын мастер ОУХМ Ц.Хонгорзул тодорч, таван сая төгрөг, Вьетнам улсад амрах эрхийн бичгээр шагнуулсан бол өнгөрсөн жил “Ододтой бүжиглэе-1” шоуны ялагчаар жүжигчин Г.Ууганбаяр тодорч байсан билээ. Тэгвэл өдгөө энэхүү шоуныхаа хөтлөгч хийж шүүгч, оролцогч нарын хооронд нь харилцан ойлголцоход нь жүжигчин Уугнаа хөлсөө гартал микрофон бариад гүйж яваа харагддаг. Шоуг оролцогчдоо илүү үзэх сонирхол төрүүлж, хөгжөөж байгаа Уугнаа үзэгчээс 100 хувь гэсэн үнэлгээ аваад байгаа гэнэ лээ. Харин өчигдөр болсон шоуны хамгийн их сонирхол татсан хүн бол “Азийн модель” агентлагийн тэргүүн Содтуяа байлаа. Хаана ч явсан эрхэмсэг харагдахыг хичээдэг мисс бүсгүй маань энэхүү бүжгэн дээр дэндүү их хичээж харагдаж шүүгчидийн эгдүүцлийг ихээхэн хүргэсэн гэхэд болно. Хэт их эрхэмсэг, дөлгөөхөн байж уг бүжигийнхээ утга санааг ойлгомжгүй, уйтгартай болгосон гэж шүүгчид хатуу шүүмжилсэн. Харин дараагийн удаа орж ирэхдээ өөрийгөө эвдээд орж ир гэсэн тушаал авсан сайхан бүсгүй Содтуяаг дараагийн шатнаас харах л үлдлээ.
Сэтгэгдэл байхгүй байна