МУ-ын Ерөнхийлөгч асан, МАХН-ын дарга Н.Энхбаяр нарыг шүүх анхан шатны хурал өнгөрсөн наймдугаар сарын 2-нд Сүхбаатар дүүргийн шүүхэд болсон. Тус хурлаас Н.Энхбаярыг төрийн албан тушаалаа урвуулан ашиглаж, аж ахуйн нэгж байгууллагаас онц их хэмжээний хөрөнгө завшсан хэргээр нийт 25 сая төгрөгийн эд хөрөнгө хурааж, дөрвөн жилийн хорих ял оноосон билээ. Мөн Иргэний хуульд зааснаар Н.Энхбаяраас 54 сая төгрөгийг гаргуулан Гандантэгчинлэн хийдэд олгож, ТВ9 телевизийн хууль бусаар олж авсан гэх техник хэрэгслийг хурааж, улсын орлого болгох шийдвэр гаргасан. Харин давж заалдах шатны шүүх буюу Нийслэлийн шүүхэд Н.Энхбаяр нарын гомдлыг өнгөрсөн аравдугаар сарын 25-нд хэлэлцэж, анхан шатны шүүхийн шийдвэрийг хэвээр баталсан юм. Тэгвэл маргааш буюу 11-р сарын 30-ны 09:00 цагаас Н.Энхбаяртай холбогдох хяналтын шатны шүүх хурал Улсын дээд шүүхэд болох юм.
Сэтгэгдэл байхгүй байна