Америкт бүх зүйл боломжтой гэдэгт эргэлзэж байгаа хүн байвал өнөөдөр таньд хариултыг нь өгч байна. 2008 оны 11 дүгээр сард Барак Обама АНУ-ын хамгийн анхны Африк гаралтай Ерөнхийлөгч болж дэлхий даяараа гайхаж, бас баярласан. “Бид нарт хийх зүйл их байна” гэж тэрээр ард түмэндээ хандаж хэлсэн байна. Мөн тэрээр гэр бүлдээ хандаж “Миний туйлын хайрт гэргий Мишельгүйгээр энэ ялалтыг төсөөлөхийн аргагүй юм. Мишель, чамдаа би урьд урьдаас илүү хайртай шүү” гэж тэрбээр хэлээд охиддоо хандахдаа “Би та хоёртоо талархаж, бахархаж байна. Гэхдээ энэ нь дахиад нохой авч өгнө гэсэн үг биш шүү. Одоохондоо та хоёрт нэг нохой хангалттай” хэмээн хошигножээ. Б.Обамагийнх Бо гэдэг нохойтой, түүнийгээ хэлсэн нь энэ бололтой. Мөн тэрбээр ерөнхийлөгчийн сонгуульд нэр төртэй өрсөлдсөнд нь М.Ромнид баяр хүргэсэн бөгөөд ойрын үед түүнийг урьж улс орны хөгжлийн ирээдүйн талаар ярилцах бодолтой байгаа аж. “Нийт америкчуудын ирээдүйн төлөө үргэлжлүүлэн ажиллах илүү шаргуу, илүү эрч хүчтэйгээр би Цагаан ордонд эргэн очих болно. Америкийн ирээдүйд би урьд урьдахаас илүү их итгэлтэй боллоо. Сайн сайхан ирээдүй бидний өмнө байна” гэж Б.Обама хэлсэн байна. Түүний 2008 мөн 2012 оны Ерөнхийлөгчийн сонгуулийн үеийн сонирхолтой зургуудыг харьцуулан тавьсан байна. Тэрээр 4 жилийн хугацаанд хэр өөрчлөгдснийг та бүхэн эдгээр зургаас харна уу? 
Сэтгэгдэл байхгүй байна