Доктор аваргатай болох нь

Монгол бөхийн зүлэг ногоон дэвжээг чимэглэн, уран хурц барилдаанаараа олныг шуугиулж явах ахуйдаа баяр гунигийн нулимстай зодог тайлж байсан даян аварга маань өдгөө хэнз үрийн зулай үнэрлэн, отгон эхнэртэйгээ аж төрж буй. Ийнхүү дурлалын “паян”-гаа эрч хүчтэйхэн үргэлжлүүлж   Гарамхандаараа зузаатгасан А.Сүхбат аварга маань энэ удаа хайр дурлалдаа мансуурахаасаа илүүтэй эрдэм номын мөр хөөхөөр болсон гэнэ. Лавлаж үзэхнээ даян аварга А.Сүхбат МУИС-ийн олон улсын эдийн засгийн докторантурт сурч байгаа аж. Ямартаа ч тэр бизнесээ өргөжүүлэхээр мэдлэгээ зузаатгаж, эрдэмтэн бөхчүүдийн эгнээнд орохоор цаг наргүй зүтгэж яваа бололтой.