Хэдхэн сарын өмнө МУГЖ хэмээх цол тэмдгээр энгэрээ мялаасан поп дива Ж.Алтанцэцэг хоолойн чадал, цараараа үеийнхнээсээ эрхгүй ялгардаг. Харин багагүй бэл бэнчинтэй нөхрийн буянаар сайхан байх, сайн уран бүтээл хийхээс өөр зүйлд санаагаа чилээдэггүй гавьяат маань гадаад үзэмж хийгээд өмсөж зүүх тал дээр “хагас галзуу” мэт сонголттой нэгэн. Түүгээр ч барахгүй Алтаа хатагтай сайхан байхын тулд мэс заслын ширээн дээр нэг биш удаа хэвтээд амжсан. Нэгэн үе давхраа хийлгэх зовхины мэс ажилбар мода болж Монголд толгой цохиж байсан бол сүүлийн үед хөх томруулах болон хамрын мэс засал зуузай холбон дэлгэрч буй. Шинэхэн гавьяат ч энэ бүгдээс зайгаа барьж чадалгүй эхээс төрсөн бие махбодоо хутганы хүчээр хувируулж, өөртөө жигтэйхэн том хувьсгал хийгээд удаж буй. Ямартаа ч олны танил улс төр, урлаг соёлын ододыг дуурайсан уу аль эсвэл чинээлэг нөхрийнх нь буян заяа ахадаж, түрүүвчтэй хэд нь тэр сонголт руу түлхсэн үү бүү мэд, хоёр дахь удаагаа хамрын мэс ажилбарт орлоо. Ер нь хүн нэг удаа л мэс засалд орчихвол биеийнх нь порпоц алдагдаж дахин орохоос өөр сонголтгүй болчихдог гэмтэй гэнэ лээ. Тэр ч утгаараа дуучин хатагтай “давтан” хийсэн нь энэ бололтой. Уг нь поп дива Ж.Алтанцэцэг хүн айж нохой гасалмаар царай зүстэй бас хамартай хүн байгаагүй гэдгийг хүн бүр мэднэ. Гэхдээ л тэр өөрийгөө өөрчлөхийг хүсэж хамраа харандаа шиг нарийхан басхүү жижигхэн болгосоныг та бүхэн харж байна.
Сэтгэгдэл байхгүй байна