Ягаан байшингийн хөөрхөн бүсгүй ээж болоод багагүй хугацаа өнгөрч байгаа билээ. Олон эрчүүдийн харцыг булааж, зүрхийг нь гижигдсэн хөөрхөн бүсгүйн сонголт нь Дашхүү агсны ганц хүү найруулагч Д.Галбаяр байсанд зарим харчууд тун ч чиг сэтгэл гонсгор үлдсэн байдаг. Өмнө нь жүжигчин Аглуугийн гэргий Оюунчимэгтэй амьдарч байсан найруулагч Д.Галбаяр драмын театрын сувд хөөрхөн бүсгүйтэй 3 жил хамт амьдарсны эцэст өнгөрсөн жил голомт залгах хүүтэй болсон. Залуу гэргийгээ гэрээсээ, хүүхдээсээ холдуулах тун ч дургүй Д.Галбаяр найруулагч Т.Хуланг уран бүтээлээс нь хүртэл хөндийрүүлээд байгаа. Айлын гэргий, хүүхдийн ээж болсноосоо хойш Т.Хулангийн өөрчлөгдсөнд гайхаж жиг жугхийх хүмүүс ч их болсон нь анзаарагдаж байгаа. Намба зааж, буурь суухаас гадна хувцаслалт нь хүртэл хараа булааж, нүд сэргээх юмгүй болсон нь сониуч нэгний хараанаас мултрахгүйдэгээ.
Сэтгэгдэл байхгүй байна