Хайртай шүү!!!

2008 он Монголчуудын хувь түүхэн жил байв. Анх удаа Монголчууд бичил иргэний дайн гэж болохоор бослого гаргаж, улс төрийн ууган хүчин МАХН-ын байрыг шатааж, онц байдал зарлаж, айдас хүйдэст автсан ард түмэн төрийн нэрийн өмнөөс иргэдтэй тулалдсан 5 хүүхдээ алдсан билээ. Амь үрэгдсэн тэдгээр хүмүүсийн өмнөөс өдгөө тухайн үед ЦЕГ-ын үүрэг гүйцэтгэгч даргаар ажиллаж байсан Ч.Амарболд генерал тэргүүтэй хүчнийхэн “аав”-ынд хоригдож буй. Улс төрийн золионд явж байгаа нь тэр хэмээн ард түмэн үзэж байгаа. Үүний дараа монгол хүн анх удаа Олимпийн тэнгэрт төрийн далбаагаа мандуулж, алтан медаль энгэртээ гялалзуулав. Хүүхэд хөгшидгүй хөөрч, төрийн гурван өндөрлөг нь халамцуу ард түмнийхээ өмнө гарч ирсэн тэр үдэш ийм нэгэн патиар фото зурагчны дуранд үлджээ. Тухайн үед улсын ерөнхийлөгчөөр Н.Энхбаяр, ерөнхий сайдаар С.Баяр, харин одоогийн ерөнхийлөгч Ц.Элбэгдорж АН-ын даргын албан тушаал хашиж байлаа. Би хамгийн азтай ерөнхий сайд хэмээн хөөрч, хөлчүүрхсэн С.Баяр ерөнхийлөгчөө хайрын халуун тэврэлтээр тэвэрчээ. Харин түүнээс 4 жилийн дараа буюу өнөөдөр тухайн үеийн улс төрчдийн хайрын баланд мансуурч явсан экс ерөнхийлөгч “аав”-ынд хоригдож, С.Баяр ерөнхий сайд болоод намын даргын суудлаа сайн дураар дараагийн хүндээ шилжүүлж, амар амгалан морилж яваа. Үнэн хэрэгтээ 7 сарын 1-ний алдарт үймээн самууныг сценарийг бичиж найруулсан хүн нь чухамдаа улс төрийн технологич гэгддэг С.Баяр хэмээн улс төрийн хүрээнийхэн нь дүгнэдэг юм билээ. Ямартай ч нэгэн цагт өөрийг нь улс төрд хөтөлсөн ноён Н.Энхбаяртай халуун янаг тэврэлдсэн зургийг танд хүргэлээ.