З.Баянсэлэнгэ Индонез Улсын Их хурлын гишүүний амийг аврав

Япон улсад болж буй “Хүн ам хөгжлийн асуудлаархи Азийн 28 дахь парламентчидын уулзалт” хуралдаанд Монгол улсаа төлөөлөн УИХ-ын гишүүн, Нийгмийн Бодлого Боловсрол Соёл Шинжлэх Ухааны Байнгын хороон дарга З.Баянсэлэнгэ,түүний зөвлөх П.Ангараг оролцож байгаа билээ. Хоёр дахь өдрөө үргэлжилж буй тус хуралдаан дээр Индонез Улсын Их хурлын гишүүн ухаан алдаж унан, харвалт өгсөн байна. З.Баянсэлэнгэ гишүүн, Шинэ Зеландын Их хурлын гишүүнтэй хамтран, хиймэл амьсгаа хийн түргэн тусламж иртэл, эмнэлгийн анхан шатны тусламж үзүүлэн Индонез Улсын Их хурлын гишүүний амийг аварчээ.Тус хуралдааныг зохион байгуулагчид болон, Япон Улсын Онцгой байдлын албаныхан УИХ-ын гишүүн, Нийгмийн Бодлого Боловсрол Соёл Шинжлэх Ухааны Байнгын хороон дарга З.Баянсэлэнгэ болон Шинэ Зеландын Их хурлын гишүүнд гүн талархал илэрхийлсэн байна.