Дуучин С.Жавхлан “миний хувьд Таван толгой маань хоолойдоо байдаг. Үүнийг маань хэн ч онгичоод авчихгүй” хэмээн аархсан билээ. Улс төржиж эхэлснээсээ хойш фэнүүддээ төдий л таатай сэтгэгдэл төрүүлхээ больж, төрөл арилжсан мэт өөрчлөгдсөн түүнийг өмгөөлж дуугарсдын нэгээр Хүүхэлдэйн театрын дарга Ц.Хулан авхай тодров. Олон жил улс төр, намд гишүүн явсан түүнийг улс төрийн торгон мэдрэмжтэй, хэлий гэснээ хэний ч өмнө час хийтэл дуугарчихдаг Ц.Хулан авхайд ам сайтай байдаг нь түүний энэ шудрага, шулуун зан, эх оронч үзлийнх нь үнэлэмж биз. Дээрхнээс УИХ-д нэр дэвших эрхээсээ гурвантаа татгалзаж, намын гишүүн төдий л энэ хэдэн жил явж байгаа билээ. Улс төрд хэтэрхий улайрсан бол өдгөө нэгэн “сайд”-ын суудалд тухалчихсан, чанга хатуу үгээрээ ташуурдсан шиг суух боломж хэзээд ч байгаа. Хархад хатуу, чанга харагддаг ч тэрээр дуу шиг уянгалаг, зөөлөн сэтгэлтэй гэж ойр тойрныхон хэлдэг юм. Тэрээр эх орон, төрсөн нутгаа өмгөөлж их олон шүлэг, найргаараа хаана ч, хэзээд ч өмгөөлж үг хэлж явдаг цөөн хэдэн хүмүүсийн нэг тэгвэл саяхан С.Жавхланг өмгөөлж дуугарав. “Улс төрийн шантаажаар төрийн эрхийг авдаг хэсэг бүлэг хүмүүс Монголын улс төрд гарч ирлээ. Дуучид, утга зохиолчид, бөхчүүдийг огт төрд хамаагүй гэж гадуурхахаа боливол таарна. 90-ээд оны анхны сонгуулиар улс төрчид нэрд гараагүй, зүгээр нэг конторын албан хаагчид байсан. Одоо бол сонгогчид Д.Бат-Эрдэнэ аварга шиг нутаг орондоо хайртай, Хэрлэнгээ хамгаалчихдаг бөх хүнийг дахин сонгосоор байгааг харж байгаа байх. Яагаад гэвэл энэ хүмүүс ядаж л улс төрчдөөс илүү ард түмэнтэйгээ ойрхон 21 аймаг, бүх сумдаараа яваад үзчихсэн байдаг. Хүмүүсийн дунд амьдардаг, “Баянзүрх” зах дээрээс байцаагаа худалдаж авдаг, газрын хэвлийгээ тонож үзээгүй гагцхүү дээр нь байгаа зүйлийг өөрсдийнхөө авьяасаар гэрэтүүлж, гэгээрүүлж яваа хүмүүс учраас цагаан энергитэй хүмүүс байгаа. С.Жавхланг Их хуралд нэр дэвшиж байхад уран бүтээлч хүнийх нь хувьд энэ зоригийг нь яагаад үнэлж хүндэлж болдоггүй юм. Хүнийг өөрийн үзэл бодолтой байсных нь төлөө адалдаг, зүхдэг, ялладаг байхаа болих хэрэгтэй. С.Жавхланд энэ бүхэн маш том сургамж болсон байх. Уран бүтээлч хүнийхээ хувьд С.Жавхлан ахиад өснө. Энэ удаа их ирээдүйтэй зүгээр нэг гүйцэтгэгч биш сэтгэгчийн хэмжээнд өндийж, иргэний зориг гаргаж, уран бүтээлчийн үзэл бодлыг илтгэсэн. Би дараагийн удаад С.Жавхлан Их хуралд сонгогдоосой гэж хэлж байгаа юм огт биш. Гагцхүү ийм зоригийг бид үнэлэх ёстой. Ганц С.Жавхлан ч биш. Их олон хүмүүс энэ удаагийн сонгуульд нэр дэвшсэн хэмээн дуучин С.Жавхланг өмөөрсөн байна.Үүнээс харвал ирэх сонгуульд дуучин С.Жавхлан, найрагч Ц.Хулан авхай тэргүүтэйгээр аварга Д.Бат-Эрдэнэ аваргын шийрийг хатааж нэг ширээнд тохой нийлүүлэх нь тодорхой.
Сэтгэгдэл байхгүй байна