“Кашмер хауз”-ын карерист хатагтай

Үндэсний томоохон үйлдвэрлэгчдийн нэг “Cashmerе housе” Монголдоо торгон ноолуур гэгчийг анх нэвтрүүлсэн анхдагчдын нэг. Үйлдвэрээсээ илүүтэй бүр брэндийн ноолуурыг нэг дороос үйлдвэрийнх нь үнээр нийлүүлдэг дэлгүүрээрээ алдартай “Кашмер хауз”-ын эзэгтэй Гэрлээ хэмээх дэгжин хээнцэр, ажил хэрэгч бизнесмэн хатагтай сонгодог урлагт элэгтэй бүсгүй байдаг. Хааяахан дуурийн тоглолтыг ивээн тэтгэчихдэг тэрээр балетаар хичээллэж, бие галбираа хадгалдаг бөгөөд хоёр хүүхэдтэй гэхэд итгэмээргүй гоо сайхных нь нууц үүнд оршдог ч байж болох юм. Тэгвэл Гэрлээ хатагтай гоёж гоодоод, хүлээн авалт, арга хэмжээ хэсээд явдаг хувцасны гол биш. Нийслэлийн 1-р сургууль дүүргэж, гадаадад боловсрол эзэмшсэн, англи, орос хэлээр чөлөөтэй ярьдаг энэ эрхэмсэг хатагтай ойрын үед их ажлынхаа хажуугаар хятад хэлд ханцуй шамалсан гэнэ. Том багагүй урд хөршийн хэл, соёл руу хошуурах болсон өнөө цагт бизнесийн хамгийн том, хамгийн хүчирхэг зах зээл Хятадад байгаатай холбоотой биз ээ.