Би яллаа

“Зууны мэдээ” сонины сэтгүүлч Д.Болормаад холбогдох хүний нэр төрд халдсан гэх хэргийг Сүхбаатар дүүргийн шүүхэд хэлэлцэж шүүх бүрэлдэхүүн  түүнийг “Мон-Уран” компанийн захирал, УИХ-ын гишүүн Б.Наранхүүгийн нэр хүндэд халдсан гэж үзэн хөдөлмөрийн хөлсний доод хэмжээг 61 дахин нэмэгдүүлсэн буюу 8.564.400 орчим төгрөгөөр торгох шийдвэр гаргажээ. Хэргийг сануулбал, Д.Болормаа нь бага насны /дунд сургуулийн 14-15 насны сурагчид/ охидын онгон биеийг 400 ам.доллараар худалддаг, худалдан авдаг зохион байгуулалттай гэмт хэргийн сүлжээ байгааг бичсэн бөгөөд энэ хэрэгт “Мон Уран” компанийн захирал Б.Наранхүү холбоотой гэсэн юм. “Мон Уран”-ы Б.Наранхүүг өсвөр насны охидыг садар самуунд уруу татсан хэргээр шалгаж эхэллээ” гарчигтай нийтлэл “Зууны мэдээ” сонины 2010 оны 11 дүгээр сарын 8-ны өдрийн 267 дугаарт гарчээ. Энэ нийтлэлтэй холбоотойгоор “Мон Уран” компанийн захирал Б.Наранхүү нэр төрөө сэргээлгэхээр шүүхэд хандсан юм.