Засгийн газрын ээлжит хуралдаанаар Шударга өрсөлдөөн, хэрэглэгчийн төлөө газар /ШӨХТГ/-ын даргаар ажиллаж байсан Б.Лхагвааг үүрэгт ажлаас нь чөлөөлж О.Магнайг томилсон билээ. Энэ томилгоо ойрын хугацаанд хийгдсэн гурав дахь өөрчилөлт юм. Уг нь 2012 оны эхээр манай улсын дотоодын нефтийн бүтээгдэхүүний үнэ литрт тутамдаа 210 төгрөгөөр огцом өссөн. Ийнхүү үнэ болсон шалтгааныг судлах үүргийг Засгийн газраас авсан ШӨХТГ импортлогч компаниудыг үгсэн хуйвалдаж үнээ үндэслэлгүйгээр хэт нэмжээ хэмээн үзсэн юм. Энэ үед тус газрын дарга Б.Мандахыг шатахууны үнэ хэт өсөхөөс сэргийлж чадаагүй гэсэн үндэслэлээр албан тушаалаас нь чөлөөлж Б.Лхагвааг томилсон билээ. Харин нөгөө Б.Лхагва нь шатахуун импортлогч нарт ногдуулаад байсан 17 тэрбум төгрөгийн торгуулийг хүчингүй болгосон нь бас л буруудаж шинэчлэлийн Засгийн газар О.Магнайг ШӨХТГ-ын даргаар томилоод байгаа юм. Харин шинэхэн дарга О.Магнайг хүн бүр мэднэ. Долдугаар сарын нэгнийг бол бүр тод санаж байгаа. Тэр тусмаа толгойлогчдын эгнээнд цохиж явсан энэ тэмцэгчийг танихгүй хүн битгий хэл нохой ч байхгүй биз. Аймшигт бас алдарт тэр өдрийн шавыг тавьж, бусдыг уриалж байсан О.Магнайг гэхдээ ингэж дээшээ гараад ирэх юм чинээ санаж байгаагүй биз.
Сэтгэгдэл байхгүй байна