Загварынхан хоорондоо суух нь тун ховор. Азийн топ модель Д.Болормаа загвар өмсөгч Баярсайхан хэмээх эрлийз төрхтэй, өөрөөсөө дүү залуутай хэсэг хамт амьдарч байсныг эс тооцвол цууд гарсан загварын хосууд байхгүй. Харин хэдийгээр загвар өмсөгчөөрөө олон жил карьер хөөгөөгүй ч гоо сайхны олимпод хүртэл хүч үзэж явсан Г.Амаржаргал хэмээх бүсгүй загварын тогооноос ханиа сонгосон. Түүний нөхөр нь нэг хэсэг загварын тайзнаа алхаж, бас ч гэж ирээдүйтэй моделиудын нэгд тооцогдож явсан Болор-Эрдэнэ хэмээх залуу байдаг. Өөрийн хүсэлтээр загвараа орхисон тэрээр өдгөө Монголын "Hummer club""-ийн ерөнхийлөгчөөр ажилладаг бизнесмэн эр. Өөрөө ч Hummer унах дуртай загвар өмсөгч залуу өнгөрсөн хүүхдийн баяраар Hummer-ын цуваа зохион байгуулж, хотын гудамжаар уртаас урт цуваа үүсгэж байсныг олон хүн санаж буй байх аа. Монголын ихэнх Hummer энэ эрийн гараар дамжсан гэдэг. Хосууд хүү, охин хоёртой бөгөөд том охин нь 8 настай гээд бодохоор нэлээн эрт хосууд хамтын амьдрал зохиосон гэлтэй. Гэхдээ зарим эх сурвалжууд Г.Амаржаргал бүсгүйг манай нэгэн нэр бүхий улс төрч, АН-ын лидер эрхмийн хүүхдийг нууцаар Америкт төрүүлж байсан, тэр нь том охин нь хэмээн шивэр авирхийх нь бий. Юутай ч Америкт жил бүр зохиогддог “Азийн Мисс АНУ” соёлын наадамд оролцож, Нөхөрсөг миссээр тодорч байсан загвар өмсөгч маань тэнд чамгүй олон жил сургуул эрдмийн мөр хөөж амьдарсан байдаг. Хаа очиж загвар өмсөгчид дотроо өндөр боловсролтой, хэл устай тэрээр өдгөө Байгаль орчны яаманд ажилладаг аж. 
Сэтгэгдэл (2)