Гуйлган байж тангарагаа өргөх гэнэ

Н.Энхбаяр гуйгаагүй бол аль хэдийнэ гишүүн болох байлаа гэж ирээд сүр дуулиантайхан нэгэн эрхэм УИХ-ын гишүүнийхээ түр үнэмлэхийг авсан гэнэ. Тэр  нь “МАХН-МҮАН"-ын "Шударга ёс" эвслийн жагсаалтанд нэр дэвшисэн Ц.Оюунбаатар юм байх. Ер нь энэ эвсэлээс Их хуралд суух нэг суудал хоосон байсан билээ. Тус эвслийнхэн энэ суудалдаа хэнийг суулгахаа ч мэдэхгүй хэдэн сарыг авсан. Мэдэхгүй байсан ч гэж дээ Н.Энхбаяр даргыгаа цагаадаад гараад ирж магадгүй тэгэхээр нь суулгачихая гэж найдаж байсан байх. Харамсалтай нь тийм болоогүй Н.Энхбаяр дарга юун Их хуралд суухтай мантай байгаа. Юутай ч тэр сонгуулийн дүн гарснаас хоёр сарын дараа ийнхүү түр үнэмлэхээ авч байгаагаа "Н.Энхбаяр дарга гуйсан учраас" гэж тайлбарлаж байгаа нь л сонирхолтой байгаа юм. Бүр  МАХН-ын дарга Н.Энхбаяр учир байдлаа хэлж түр хүлээхийг хүртэл хүсэж, гуйж сүйд болсон юм байх.