Эрхийн чинээ биетэй, эр хонгор дуутай Монголын төмөр замын вант улсын эзэн хаан хэмээгдэх энэ эрхмийг хашир бурхи гэж улс төрийн хүрээнийхэн үнэлдэг нь оргүй магтаал биш болов уу. Дундговь аймгийн унаган хүү УИХ-ын гишүүн асан Р.Раш Ленинградын төмөр замын дээд сургуульд бэлтгэгдсэн ясны төмөр замчин бас шаггүй сайн уяач. Тэрээр өнгөрсөн сонгуулиар ямар нэгэн тойрогт мандат өвөртөлж чадаагүй УИХ-ын танхимын гадна үлдсэн. Нэг ёсондоо тэр тэтгэвэртээ гарч байгаа хэрэг. Т
эртээ 1990-ээд оны үед ЗХУ-д өөрчлөн байгуулалтын салхи сэвэлзэж, Монголд цагаан морин жилийн хувьсгал мандахад УБТЗ-ын орлогч дарга байсан тэр залууг төлбөл алт шиг, түшвэл агт шиг хүн хэмээн төмөр замчид үнэлдэг байсан гэдэг. Соц үеийн мэргэжилтнүүдийн нэгэн адил ажлын анхны гараагаа жирийн вагон холбогчоос гээд л... гавьяат тээвэрчин Р.Рашийн намтар хөвөрдөг. Нэр болоод бие “товчхон”, жижиг биетэй ч жинтэй үгтэй эрхэм улс төрчийг аймгийн алдарт уяач гэдгийг хүмүүс гадарлах байх. Ногоон торгон дээлээрээ хэчнээн ч жил гоёлоо доо гэдэг шиг ганц хүрэн азаргаараа өч төчнөөн айраг, түрүү авсан аймгийн алдарт гээд бодохоор энэ биед ахадмаар их ажлыг амжуулж яваа гэлтэй. Ардын хувьсгалын 80 жилийн ойн баяр наадмаар хүрэн азарга нь улсад аман хүзүүдэхэд хэвтэрт байсан ээж нь өөрийн эрхгүй босон харайж байсан хэмээн хууч хөөрөн хааяа нэг эр ховор нулимс унагадаг энэ эрхмийн амнаас гарах үг бүхэн үр хойчид үнэтэй, улс төрд жинтэй байдаг нь үнэн.
Эрхийн чинээ биетэй, эр хонгор дуутай Монголын төмөр замын вант улсын эзэн хаан хэмээгдэх энэ эрхмийг хашир бурхи гэж улс төрийн хүрээнийхэн үнэлдэг нь оргүй магтаал биш болов уу. Дундговь аймгийн унаган хүү УИХ-ын гишүүн асан Р.Раш Ленинградын төмөр замын дээд сургуульд бэлтгэгдсэн ясны төмөр замчин бас шаггүй сайн уяач. Тэрээр өнгөрсөн сонгуулиар ямар нэгэн тойрогт мандат өвөртөлж чадаагүй УИХ-ын танхимын гадна үлдсэн. Нэг ёсондоо тэр тэтгэвэртээ гарч байгаа хэрэг. Т
эртээ 1990-ээд оны үед ЗХУ-д өөрчлөн байгуулалтын салхи сэвэлзэж, Монголд цагаан морин жилийн хувьсгал мандахад УБТЗ-ын орлогч дарга байсан тэр залууг төлбөл алт шиг, түшвэл агт шиг хүн хэмээн төмөр замчид үнэлдэг байсан гэдэг. Соц үеийн мэргэжилтнүүдийн нэгэн адил ажлын анхны гараагаа жирийн вагон холбогчоос гээд л... гавьяат тээвэрчин Р.Рашийн намтар хөвөрдөг. Нэр болоод бие “товчхон”, жижиг биетэй ч жинтэй үгтэй эрхэм улс төрчийг аймгийн алдарт уяач гэдгийг хүмүүс гадарлах байх. Ногоон торгон дээлээрээ хэчнээн ч жил гоёлоо доо гэдэг шиг ганц хүрэн азаргаараа өч төчнөөн айраг, түрүү авсан аймгийн алдарт гээд бодохоор энэ биед ахадмаар их ажлыг амжуулж яваа гэлтэй. Ардын хувьсгалын 80 жилийн ойн баяр наадмаар хүрэн азарга нь улсад аман хүзүүдэхэд хэвтэрт байсан ээж нь өөрийн эрхгүй босон харайж байсан хэмээн хууч хөөрөн хааяа нэг эр ховор нулимс унагадаг энэ эрхмийн амнаас гарах үг бүхэн үр хойчид үнэтэй, улс төрд жинтэй байдаг нь үнэн.
Сэтгэгдэл байхгүй байна