Том загас өнөөдөр

Реппер B.A.T "Big Fish" буюу “Том загас” киногоо  өнөөдөр  “Өргөө”, “Соёмбо” кино театруудад гаргахаар болжээ. Өнгөрсөн оны аравдугаар сард зураг авалтаа хийж эхэлсэн “Dash Films”-ийн анхны бүтээл "Big Fish" киноны ерөнхий найруулагчаар реппер B.A.T, продюсераар Г.Дашням нар ажилласан бол гол дүрд дуучин Б.Амархүү тун чадварлагаар тоглосон гэнэ. Киноны үйл явдал цагдаагийн ахлах дэслэгч Соёмбо буюу Б.Амархүү хар тамхитай холбоотой хүн амины хэргийг мөрдөн илрүүлж байгаагаар өрнөх аж. Мөн киноны гол дүрд загвар өмсөгч О.Амгаланбаатар, загвар өмсөгч О.Ариунзул, реппер B.A.T, Rokit Bay болон ОХУ-ын Ардын жүжигчин Олег Петелин,  АНУ-ын жүжигчид тоглосноороо  “интэрнейшнл” уран бүтээл болж байгаа гэнэ. Цагдаагийн ажилтны амьдрал, адал явдалт, хар тамхи, хайр дурлалыг өгүүлсэн уг киноны албан ёсны нээлт энэ сарын 14-нд “Өргөө” кино театр болох гэнэ.