Халамжаа аваарай хүүхэд хөгшид өө

УИХ дахь Ардчилсан намын бүлгийн хуралдаанаар Аймаг, сум, дүүргийн иргэдийн төлөөлөгчдийн хурлын сонгуулийн тухай болон бусад дагалдах хуулийн төслүүдийг хэлэлцсэн билээ. Харин энэ олон төслүүдээс хамгийн ихээр анхаарал татаж буй нь халамжийн гэх тодотголтой төсөл юм. Тухайлбал, Хүний хөгжил сангаас хүүхэд бүрт олгох 20 мянган төгрөгийг ирэх аравдугаар сараас эхлэн тараахаар шийдсэн гэнэ лээ. Мөн ахмад настан, хөгжлийн бэрхшээлтэй иргэдэд олгох эх орны хишиг буюу нэг сая төгрөгийг нөхөж олгохоор болсон гээд л Монголын төр ард иргэддээ халамж энэ тэрээ харамгүй тараахаар болсон аж.