Хүрэл медалийн төлөө

Паралимпийн зуны XIV наадамд манай улсын тамирчдаас байт харвааны төрөлд ОУХМ Б.Жавзмаа хагас шигшээ  тоглолтод шалгарах эрхийн төлөө  БНХАУ-ын тамирчин Гао Фаншиатай өчигдөр халз харваж ялалт байгуулсан. Энэхүү харваанд тэрбээр 6:0 оноогоор илт илүүрхсэн юм. Түүний өрсөлдөгч БНХАУ-ын тамирчины хувьд хувьд урьдчилсан харваанд 581 онож I байраар шалгарсан бөгөөд улмаар Францын тамирчинг 6:0-оор буулган авсан шилдэг харваач байсан юм. Ямартаа ч өнөөдөр эх орныхоо цагаар 17:00-д хүрэл медалийн төлөө Монголын тамирчин Б.Жавзмаа өрсөлдөнө. Тамирчиндаа амжилт хүсье.