Өнгөтэй, мөнгөтэй сайд

Ирэх дөрвөн жилийн хугацаанд засгийн газарт орж ажиллах сайд нарын нэрс өчигдөр оройн хуралдаанаар гарч бүгд батлагдан их ажилдаа орохоор ханцуй шамласан. Гэвч тоон дотор үсэг цохиж явна гэгчээр УИХ-ын гишүүн Д.Бат-Эрдэнэ сайдын сэнтийд заларсан нь хүн бүрийн гайхшралыг төрүүлээд авсан байх. Аргагүй л мөнгөтэй, өнгөтэй гэдгээ “Ажнай” гишүүн батлаад бас харуулаад өгсөн. Мөн бэл бэнчинтэй хүмүүс сайд нарын сэнтийд саатах юмгүй тухлаад авдагийг ч харуулаад өгсөн. Тэгэхээр сайд байя гэвэл олон компани, овоо хэдэн төгрөгтэй байх нь чухал бололтой.