Бөө нар бөөгийн зан үйл хийж байгаад хүний аминд хүрчээ. Тодруулбал, Өвөрхангай аймгийн Бат-Өлзий сумманд өнгөрсөн долоо хоногт таван залуу очсон байна. тэд нутгийнханд өөрсдийгөө бөө гэж танилцуулаад, зан үйл хийж яваагаа хэлжээ. Нутгийнхны зарим нь тэдэнд үзүүлж, засал ном хийлгэжээ. Тэдний дунд нэг эр архинаас гаргах засал хийшэхээр болсон аж. Бөө нар архинаас гаргах хүнээ хээр аваачиж, зан үйл хийхээр болсон байна. ингээд эзгүй газар аваачиж халуун чулуун дээр хэвтүүлж байгаад түлж аминд нь хүрчээ. Хэргийг Өвөрхангай аймгийн цагдаагийн хэлтэст шалгаж байгаа юм байна. Сэжигтнүүд 18-23 насныхан байсан байна. Тэд бүрэн дунд боловсролтой бөгөөд нэгийгээ даган бөө болосон аж. Нийслэлд амьдардаг тэд хөдөө засал ном хийж зугаалахаар явж байгаад дээрх хэргийг үйлдсэн гэдгээ хүлээжээ. Өнгөрсөн жил Төв аймагт мөн л бөөгийн зан үйл хийж байгаад нэг хүнийг буцалсан усанд түлж хөнөөсөн хэрэг гарсан билээ. Ийнхүү бөө нарын гай ар араасаа үргэлжилсээр байх уу, таслан зогсоох арга хэмжээ авах уу гэж яригдах дээрээ тулсан байгааг харуулж байна.
Сэтгэгдэл байхгүй байна