Татварын байцаагч бүсгүйчүүд хардалтаас үүдэн нэгнийхээ аминд хүрсэн аймшигт хэрэгт Д.Батболдын буруу мэдээж бий. Тэрбээр тэлээ хурга шиг хоёр бүсгүйн дунд гүйж , хоёуланд нь адилхан машин бэлэглэсэн нь нэгэнт ил болсон.
Уул уурхайн яамны Төрийн захиргаа удирдлагын газрын дарга тэрбээр гэнэтхэн л “Эрдэнэс Таван толгой” ХК-ийн ТУЗ-ийн гишүүний давхар сэтэртэй болчихсон. Ингэснээр хоёр бүсгүйн хэрэгт холбогдуулан түүнд хариуцлага тооцох байх гэж хүлээсэн хүлээлт талаар болсон гэхэд болно.
Дээрх хэрэгт Д.Батболдыг буруутгах хуулийн заалт байхгүй ч хүн ёсны ёс зүй яригдах л байх. Харин УИХ-ын эмэгтэй гишүүдийн бүлгээс Д.Батболдод арга хэмжээ авч, хариуцлага тооцохыг хүсч зохих газарт бичиг цаас илгээж байв. Гэвч Я.Батсуурь түүнийг “Эрдэнэс Таван толгой” ХК*ийн ТУЗ-ийн гишүүн болгож тушаал дэвшүүлэн хамгаалалтандаа авчээ. Нийгмийг цочроосон аймшигт хэргийн дуулиан тасраагүй энэ үед тухайн хэрэг гарах сэжүүр болсон энэ хүнийг дэргэдээ авсан Я.Батсуурьт дургүйцэх хүн олон байна.
Сэтгэгдэл (1)