Мялаалга

Энэ жилийн наадмын хүчит бөхийн барилдаанд үзүүр түрүүнд үлдэж улсын арслан, гарьд цол хүртсэн бөхчүүдээ нутгийнхан нь баярлуулж, түрүүчээсээ бэлэг сэлт барин гүйлдсээр байна.Тухайлбал уяачдын наадмын үеэр Увс аймгийн нутгийн зөвлөл шинэхэн арслан П.Бүрэнтөгсийн цолыг  “Lexus-570” машинаар мялаасан бол Архангай аймгийн нутгийн зөвлөлийнхөн гарьд Д.Рагчаад  "Ланд-200" маркийн автомашин бэлэглэлээ.  Мөн Д.Рагчаад Хууль зүйн сайд Ц.Нямдорж хоёр өрөө байрны түлхүүр гардуулсан юм. Харин баяр наадмын комиссоос улсын арслан П.Бүрэнтөгсөд 15 сая төгрөг, улсын гарьд Д.Рагчаад долоон сая төгрөг гардуулжээ. Дашрамд дурьдахад өнгөрсөн наадмын түрүү бөх Улсын аварга С.Мөнхбатад Увс аймгийн нутгийн зөвлөлөөс мөн “Lexus-570” машин бэлэглэж байсан билээ.