Тайван сонгууль боллоо

Өнөөдөр монголчууд зургаа дахь парламентаа сонгож, ирэх дөрвөн жилд  ямар төртэй байхаа шийдвэрлэх хариуцлагатай өдөр. Энэ өдөр УИХ-ын сонгуулийн 1905 хэсэгт нийтдээ нэг сая 835 мянга 729 сонгогч саналаа өгөхөөр сонгогчдын нэрсийн жагсаалтад бүртгүүлсэн билээ. Ямартаа ч сонгуулийн үйл ажиллагааг хааж иргэдийн саналыг тоолж байгаа. Бидэнд ирсэн сүүлийн мэдээллээр нийслэл болон хөдөө орон нутгийн тойргуудад цөөн хэдэн иргэдийн нэр, хаягийн алдаа гарсаныг эс тооцвол ямар нэгэн будлиан, маргаангүй тайван сонгууль болжээ.