50 Цент үхээгүй

Реппер 50 цент мягмар гарагийн өглөө Нью-Йорк хотод автомашины осолд орж, эмнэлэгт хүргэгджээ. Хэвлэлийн төлөөлөгчийнх нь хэлснээр бол реппер тус хотын  Queens эмнэлэгт хүзүү, нурууны хөнгөн гэмтлээ эмчлүүлээд гарсан байна. 50 Центийн автомашиныг жолоодож явсан Брюс Миллер ч мөн гэмтсэн бөгөөд эмнэлгээс гарсан байна. Өдгөө 36 настай репперийн жинхэнэ нэр нь Куртис Жексон. Грэммийн ялагч болж байсан тэрээр өөрийн www.ThisIs50.com цахим хуудсандаа хүзүүгээ шохойдуулсан зургаа тавьсан байна. Одоогоор ослын шалтгаан болон бусад зүйлсийн талаар мэдээлэл алга байна.