“Нарантуул” ОУХТ-өөр овоглодог Ш.Сайхансамбуу ноёнтон энэ жил Д.Балдан-Очирт нам даруулж тойроггүй бүр нүдэндээ нулимстай үлдсэн. Гэвч тэр зүгээр сууна ч гэж юу байхав. Аль хэдийнэ бизнесийн ажилдаа ханцуй шамлан орсон сурагтай. Уг нь төрөлх Завхан аймгаасаа УИХ-ын зөөлөн сэнтийд заларсан “Нарантуул”-ын босс тойроггүй үлдсэндээ нэг хэсэг хэл ам хийж нэлээн бухимдангүй явсан бөгөөд одоо л тайвширч, тааваараа гэдэс цүдийлгэн алхаж явааг та бүхэн харж байна. Ер нь тэгээд УИХ-д ороод ордны зөөлөн сандал тохирсонгүй юу гүзээ нь унжиж, алхаа нь хүндэрсэн байгааг ард түмэн ч тэр Ардын намын акулууд ч тэр анзаарсан бололтойдог. Ямартаа ч Их хурлаасаа мултарсан энэ эрхмийг ирэх 4 жилд хадгаламжин дахь хэдийгээ өсгөн бизнес энэ тэрдээ шамдаж, дараагийн сонгууль гэхэд хүн төрхөндөө орсон байхыг харах л үлдлээ. Мөн түүний машинуудыг бичихгүй өнгөрч чадахгүй нь. Ш.Сайхансамбуу 90-ээд оны үеэс л үнэтэй чамин машиныг өөрийн болгож, Монголчуудын нүдийг хужирладаг байснаараа зартай нэгэн. Тиймдээ ч Монголд цорын ганц байдаг Porche, Bentley унадаг эрхэм гишүүн сүүлийн үеийн “шинэ баячууд”-аас юунаас дутахав гэсэндээ Rolles Royce-оос нэгийг авсан. Харин хүү С.Наранбатынх нь хувьд Монголд анхны Hummer-ийг унаж байсан бөгөөд одоо аавынхаа үнэ цохиж авсан Rolles Royce-ыг хүлэглэдэг. Мөн охин С.Эрдэнэтуул нь BMW-X6 унадаг гээд хүүхдүүддээ үнэтэй машин авч өгч эрхлүүлдэг бол энэ өдөр гишүүн маань LEXUS 570-аар гангарсан байна. Жолоочгүй өөрөө барьж жиндээ илүү их анхаарч байгаа нь илт харагдаж байна. Ингээд зуны нэг халуун өдөр Ш.Сайхансамбуу гишүүн манай зурагчин паппарацидсан нь энэ.
Сэтгэгдэл байхгүй байна