“Хаялага” дааж амьдараарай

Монголчууд ядуу хүмүүс лав биш бололтой. Байгалийн баялаг энэ тэрээрээ далимдуулж бид байж байгаад л халамж тэтгэлэг авсаар бүр ангайхай шиг болчихож. Төр засаг тэгтэлээ өгөөмөр болчихсон уу, аль эсвэл сонгуулийн буянаар “хаялага” нь ихэдсэн үү, бүү мэд. Ямартаа ч хавтгайрсан халамж,  тэтгэмж дуусахгүй бүр цаашаа үргэлжлээд төр засаг маань түмэн олондоо хайр хишгээ харамгүй цацаад байх сурагтай. Уг нь “Хүний хөгжил сан”-гаас олгож буй 21 мянган төгрөгийг ирэх сарын 1-ээс зогсоохоор болсон. Тэгтэл дараагийнх нь тэтгэлэг цагаа хүлээгээд “мишээж” байгаа бөгөөд нэн ядуу ангилалд багтах 18 нас хүрсэн иргэн бүхэн сар бүр 7000, 18-аас доош насны хүүхэд бүр 10000 төгрөгийн тэтгэмж  авахаар болсон гэх. Тэгээд бүр 160 мянган өрхийн гишүүнд өгөхөөр бүртгэсэн гэнэ лээ. Монголчууд үнэгүй юманд нугасгүй хойно бараг бүгдээрээ шахуу  “нэн ядуу” болчих гээд сандаргаж байгаа сурагтай.